Мордовия Республикань Госкомстатось
МОРДОВИЯ РЕСПУБЛИКАНТЬ ЭКОНОМИКАЗО
2000 ИЕНЬ 9 КОВОНЬ ИТОГТНЕ
Производствась ды товарной рынкатне
ПРОМЫШЛЕННОСТЕСЬ
Январьстэ-сентябрясто нолдазь промышленной продукция неень шкань питнетнесэ 10750 миллионт целковоень питне. 90 проценттэ седе ламонть эйстэнзэ нолдызь покш ды средней предприятиятне. Седе неявиксстэ кассь производстванть покшолмазо машиностроениясо ды металлонь обработкасо (47,6 проц.), легкой промышленностьсэ (28,8 проц.), медицинской промышленностьсэ. Январьстэ-сентябрясто промышленной предприятиятне нолдасть потребительской товарт 3782 миллион целковоень питне, мезесь мелень теке жо шканть коряс 39,6 проценттэ седе ламо. Тень эйстэ 36,5 процент v ярсамопелень товарт, 11,6 v вина ды пия, 51,9 процент v аволь продовольственной товарт.
Вейксэ ковтнестэ легкой промышленностьсэ ютазь иень теке жо шканть коряс 86,8 проценттэ ламолгадсь трикотажной изделиянь нолдамось.
Пищевой промышленностьсэ сехте эрявикс продукциянь нолдамось 4,9 проценттэ седе аламолгадсь. Но кассь кшинь ды кшинь-сюкоронь нолдамось (6,8 проц.), консервань (20,5 проц.), пиянь (1,4 проц.). Ламолгадсь макарононь нолдамось (9,6 проц.), почтонь ды ямксонь нолдамось (47,6-20,6 проц.).
СТРОИТЕЛЬСТВАСЬ
Строиця предприятиятне ды организациятне вишка предпринимательствань организациятнень марто строительной подрядонть юрсо топавтсть роботат 975 миллионт целковоень питне (0,8 проценттэ седе ламо).
Топавтозь проектировамонь ды инженерной роботат, услугат 17,2 миллион целковоень питне.
Собственностень эрьва кодамо формань предприятиятнень ды организациятнень, башка строицятнень вийсэ республикасонть строязь 1053 квартират, те мелень теке жо шканть коряс 22,9 проценттэ седе ламо. Эрицятне эсест цётсо строясть 577 кудот. Эрямо таркань весе строязенть эйстэ те v 67,4 процентт.
Республикасонть максозь эксплуатацияс 421,3 километра газонь сетть, эйстэст 420 километратне v велева. Строязь 22,4 километра автомобильной кить, мезесь мелень теке жо шкантень v 53,1 процент.
ВЕЛЕНЬ ХОЗЯЙСТВАСЬ
Животноводствась. Октябрянь 1 чинть самс эрьва кодамо категориянь хозяйстватнесэ сюракшов скотинадонть ульнесь 388,3 тыща прят, эйстэст 168,1 тыща v скалт. Тувотнеде v 217,6 тыща, реветнеде-сеятнеде v 74,3 тыща. Весе уликс скотинась мелень теке жо шканть коряс киртявсь: скалтнэ v 2 проценттэ, тувотне, реветне ды сеятне v 9 проценттэ.
Весе хозяйстватнесэ январьстэ-сентябрясто получазь 53,8 тыща тоннат сывель, 322,5 тыща тоннат ловцо, 277 миллионт алт. Алонь получамось 11 процентс кассь, сывелень ды ловцонь производствась киртявсь 3 ды 7 процентс.
Республикань велень хозяйствань предприятиятнесэ получазь сывелесь ловови 24,1 тыща тоннасо (104 проц.), потявтозь ловцось v 145,8 тыща тоннасо (88 проц.), алт получазь v 157,2 миллион (108 проц.).
Ламолгавтызь сывелень получамонть Покш Березникень (24%), Ромодановань (29%), Темниковань (29%) ды Кадошкинань (33%) районтнэ. Ловцонь получамось аламодо седе кассь Зубова Полянань ды Инсаронь районтнэсэ (5 ды 2 проц.).
ТРАНСПОРТОСЬ ДЫ СВЯЗЕСЬ
Транспортонь покш ды средней предприятиятне усксть 2146,6 тыща тоннат сталмот, эли мелень теке жо шканть коряс 1,9 проценттэ седе ламо. Чугункань кинь транспортсо ускомась 12,8 проценттэ седе ламолгадсь, коштонь транспортсо v 27 проценттэ, автомобилень транспортсо 5,1 проценттэ киртявсь.
16,9 процентс покшолгадсь вейсэнь транспортонть пассажирооборотось. 31,9 процентс покшолгадсь чугункань ки лангсо, автомобилень ды коштонь транспортсо, мекевланк, седе алкиньгадсь (15,8 ды 1,5 проценттэ).
Ютазь иень вейксэ ковтнень коряс седе аламо рейст топавтозь пассажирской автотранспортсо (13,3 проц.), троллейбуссо (7,7 проц.).
Связень предприятиятне тейсть услугат 227,2 миллион целковоень питнесэ, эйстэст 106 миллионт целковоень питне v эрицятненень. Мелень теке жо шканть коряс те 35,5 ды 47,6 проценттэ седе ламо.
Вейсэнь пользовамонь телефонной аппаратнэ 4,7 проценттэ седе ламолгадсть. Эрицятнень телефоност ламолгадсть 5,2 процентс.
ТОВАРОНЬ ДЫ УСЛУГАНЬ ОПТОВОЙ ДЫ ПОТРЕБИТЕЛЬСКОЙ РЫНКАТНЕ
Январьстэ-сентябрясто эрицятненень миезь эрьва кодат потребительской товарт 5026,1 миллион целковоень питне, те мелень те шканть коряс 5,4 проценттэ седе ламо. Торговой предприятиятнень таликаст тень эйстэ v 67,5 процент, эрьва кодат рынкатнень v 32,5 процент.
Ярсамопелень товарт миезь 3008,0 миллион целковоень питне, вейсэнь товарооборотонть эйстэ те v 59,8 процент.
485,6 миллион целковоень питне, эли товарооборотстонть 9,1 процент, миезь ирецтиця симемапельть ды пия.
Аволь ярсамопелень товартнэнь таликаст v 8,4 процент эли ярмаксо 2018,1 миллион целковойть.
Общественной питаниянь предприятиятне мисть продукция 112 миллионт целковоень питнесэ, мелень коряс те 0,6 проценттэ седе аламо. Торговлянь оборотстонть общепитэнть таликазо 2,2 процентт.
Эрицятненень ярмакто услугат теезь 1246,5 миллион целковоень питнесэ. Услугатнестэ седе ламотне v кудоютконь (26,9 проц.), коммунальнойть (21,4 проц.), пассажирской транспортонь (21,6 проц.).
Кудоютконь услугатне лововить 334,8 миллион целковойсэ, мезесь неень питнетнесэ 1,9 проценттэ мелень вейксэ ковонцетнеде седе аламо.
Товаронь оптовой микшнеманть покшолмазо октябрянь 1-це чис ульнесь 4824 миллионт целковойть, эли ютазь иень теке жо шканть коряс 24,3 проценттэ седе ламо.
Ламо потребительской товарт оптовой торговлясо микшнить вишка предприятиятне, сынст товарооборотост таликазо весе оптовой микшнеманть эйстэ v 36,5 процент.
ВНЕШНЕЭКОНОМИЧЕСКОЙ ДЕЯТЕЛЬНОСТЕСЬ
2000 иень январьстэ-сентябрясто, таможнянь статисткань даннойтнень коряс, Мордовия Республиканть внешнеторговой оборотозо лововсь 31,5 миллион долларсо (США-нь), сынст ютксо васоло омбо мастортнэнь марто v 19,2 миллион долларсо. Мелень теке жо шканть коряс внешнеторговой оборотось (ярмаксо ловозь) покшолгадсь 1,1 процентс.
Ютазь шкастонть республиканть экспортозо лововсь 15,9 миллион США-нь долларсо. Седе ламо продукциядонть ускови Казахстанов (30,5%), Беларусь Республикав (18,3%), Германияв, Польшав, Китаев.
Республиканть импортозо отчетной шкастонть v 15,6 млн долларт, эли мелень те шканть коряс 21,5 проценттэ седе аламо. Седе ламось пачтявсь Кубасто (14,9%), Германиясто (28,8 %), США-сто (10,5%), мейле Швейцариясто (5%), Украинасто (7,9%), Нидерландсто (4,2%), Казахстансто (4,2 %).
Омбо масторов усковсть седе ламо электрической машинат ды оборудования. Омбо масторсто Мордовияв v котелт, оборудования ды механической устройстват. Республиканть торговамонь ялганзо v 46 масторт.
Беларусь Республикав экспортось мелень теке жо шканть коряс кассь 4,8 процентс. Беларусенть марто микшнемань тевест сюлмить республикань 23 предприятият.
ПИТНЕТНЕ
Ярсамопелень товартнэнь лангс питнетне (ирецтиця симемапельтнень марто) январьстэ-сентябрясто 1999 иень декабрянть коряс кассть 19,6 процентс. Сехте пек питниясть сывелень продуктатне v33,4 процентс; сывелесь ды кудонармунтне v 35,6 процентс, колбасатне-мезтне v 29,5 процентс, кшись ды кшинь изделиятне v 14,2 процентс ды винась v 22,4 процентс.
Общественной питаниясо питнетне кассть 27,9 процентс.
25 сехте эрявикс продуктасто наборонть сентябрясто питнезэль 492,7 целковойть.
Аволь ярсамопелень товартнэстэ сехте пек питниясть коцтнэ v 17,7 проц., оршамопелесь ды понкстнэ-панартнэ v 12,7 проц., карсемапельтне v 13, ковертнэ-мезтне v 18,1, кшнистэ теезь кедьгетне v 19,9, строямонь материалтнэ v 21,2 ды бензинэсь v 18,2 процентс.
73,8 процентс кассть эрицятнень ярмакто услугатне, сехте пек v коммунальной услугатне v 2,2 разт. Экскурсиянь услугатне кассть 2,1 раз, пассажирской транспортонь v 1,4 ды связень v 1,2 раз.
ФИНАНСТНЭ
Кавксо ковонь перть покш ды средней предприятиятне (велень хозяйствансетнеме) получасть прибыль 735,1 миллион целковойть, те ютазь иень теке жо шканть коряс 2,5 раз седе ламо.
Убытка марто те шкастонть роботасть 48,1 процент весе предприятиятнень эйстэ, убыткатне v 271,1 миллион целковойть
Сентябрянь 1 чис ванкшнозь предприятиятнень умонь шкань кредиторской задолженностест лововсь 7155,2 миллион целковойсэ. Малав пелезэ те долконть v 49,4 процент v поставщиктненень.
Бюджетс апак пандо умонь долкось v 1202,9 миллион целковойть.
Дебиторской умонь долкось ковозонзо вишкалгадсь 1,1 процентс ды ловови 3096,5 миллион целковойсэ.
ЭРЯМОСЬ ДЫ ЭРИЦЯТНЕНЬ ДОХОДОСТ
Зарплатась. Средней зарплатась январьстэ-авгуссто (покш, средней ды вишка организациятнесэ) ульнесь 1016 целковойть, мелень теке жо шканть коряс кассь 1,5 раз. Алкуксонь зарплатась потребительской питнетнень индексэнть ловозь 1999 иень январенть-августонть коряс невтеви 107,7 процентсэ.
Нейгак ванстови башка отраслятнень юткова зарплатанть а вейкетьчизэ. Транспортонь, государствань управлениянь, кредитэнь ды строительствань роботниктнень зарплатаст республикаванть средней зарплатанть коряс кавксть ды седеяк лалмоксть седе покш.
Эрьва роботыцяс ковозонзо средней доходось v 1047,2 целковойть. Социальной пандовкстнэ (22 целковойть вейке ломаньс среднейстэ) v кодаяк а вадрялгавтыть роботыцятнень материальной положенияст. Тесэ покш тертекс аштесь зарплатанть шкастонзо а пандомась.
Октябрянь 1 чис зарплатань пандомань долкт ульнесть 1591 предприятиясо, 16 процент неть предприятиятнесэ долкось лововсь вете ды седе ламо ковонь зарплатань фондсо.
Зарплатань коряс долкось весемезэ 233,5 миллион целковойть.
Сехте кувать зарплатань апандыцятне v велень хозяйствань предприятиятне ды организациятне, истя жо строямонь, наукань ды науканть перька организациятне.
Эрицятнень занятостесь. Республиканть экономикасо январьстэ-авгуссто роботасть 398,2 тыща ломанть, 305,3 тыщатне эйстэст v покш ды средней предприятиятнесэ. Теде башка тов договор вельде тердезельть оште 9,9 тыща ломанть.
Сентябрянть прядомс занятостень службасо ловозельть 10 тыщат а роботыця ломанть, эйстэст v 8,9 тыщатне роботавтомонь статус марто. Весе а роботыцятнень эйстэ 77 проц. v тейтерь-ават, 37 проц. v од ломанть (16-29 иесэ).
Октябрянть самс, трудонь министерствань ловоматнень коряс сермадстозь роботавтомочинть уровенезэ 1,9 процент роботыця эрицятнень эйстэ.
ДЕМОГРАФИЧЕСКОЙ ТЕВТНЕ
2000 иенть ушодовомсто республикасонть эрясть 929 тыщат ломанть, эйстэст 553,2 тыщатне v ошсо ды 375,8 тыщатне v велесэ. Саранскойсэ эрясть 315,2 тыща ломанть, эли Мордовиянь весе эрицятнестэ v колмоцекс пельксэсь.
Январьстэ-сентябрясто республикасонть сермацтозь 5267 од эйкакшт, 11211 v кулозь ломанть. Мелень теке жо шканть коряс чачозетне аламолгадсть 1,3 проценттэ, кулозетне ламолгадсть 8,9 процентс. Вейксэ ковс эрицятнень аламолгадомась кассь 20 процентс.
Кулыцятнестэ 49,5 процент v цера ломанть, 50,5 процент v тейтерь-ават. Куломань сехте ламо тувталтнэ v верень системань ормат, онкологической ормат. Ламо кулыть истя жо томбавомадо, отравамодо. Ютазь шканть перть истя кулость 1193 ломанть, эли эрьва вейксэце кулыцясь. 254 ломанть сынсь явсть эрямост марто, 67 ломанть v маштозь, 62 v кулость винадо, 78 v ваясть, 124 v килангонь транспортонь берянь тевде.
Кулыцятнестэ нилецекс пельксэсь v аволь сыре ломанть (роботыцят); цера ломантнеде кулыть нилексть-ветексть седе ламо тейтерь-аватнень коряс.
Колмо кварталонь перть сермадстозь 4044 урьвакстомат-венчамот, 2256 v явомат. Эрьва сядо од семиятнестэ ведьгемень кототне каладсть мекев. (Мелят ульнесь 41).
Яла поладови республикастонть ломантнень туемась. Тень лангс апак вано, што республикантень аволь аламо сыцяткак (СНГ-нь мастортнэстэ), целанек миграциясь ялатеке аламолгавты республикасонть эрицятнень.
