Кулят раськень мастортнэстэ
ФИНЛЯНДИЯ. Тасис Европейской Союзонь программасонть явовить 1,4 миллион евроярмакт кавто иень од проектэнть топавтомс. Те проектэсь анокстазь Мурманской областьсэ Паз леенть маласо перть-пельксэнть ванськавтомантень. Кода пачтясть Россиясо Европейской Комиссиянь представительствань прессань ды информациянь отделстэ, Паз леесь чуди сеть таркатнева, кува юты Финляндиянть ды Норвегиянть марто Россиянь границясь. Самай секскак колмонест мастортнэ бажить парсте топавтомс арсезь тевенть. Проектэсь лезды виевгавтомс неть мастортнэнь ютксо пограничной сюлмтнень перть-пельксэнть ванстомань, васняяк, веденть ды коштонть ванськавтомань тевтнесэ. Россиянть ендо сехте эрявикс партнерокс ловови Печенка ошонь администрациясь. Сонзэ прявтонь полавтыцясь Виктор Татаринский тешкстызе: ?Паз леенть маласо перть-пельксэсь ванкшновсь уш аволь весть, ды минь парсте чарькодтяно, конат тевтне сехте эрявикст. Тасисэнь те ушодксось лезды миненек важодемс сехте эрявикс енкстнэсэ ды максомс минек эрицятненень ванькс кошт ды ванькс ведь. Те истя жо лезды миненек виевгавтомс сюлмтнень Норвегиясо ды Финляндиясо ялгатнень марто¦. Проектэсь истя жо сюлмави Россиянь лия организациятнень марто, конат бажить ванськавтомс леенть перька таркатнень. Сынст юткс совавтовить истят промышленной предприятиятне, кода Колэнергось, природань сюпавчинь министерствась, пограничной службась, Гидрометэсь ды Санэпидслужбась.ВЕНГРИЯ. ?Budapest Filmstudio¦ венгерской студиясь, конань прявтсо Ласло Кантором, аноксты зярыя фестивальть. Неть фестивальтне ютавтовить шабрацекс мастортнэсэ, ды сынст бажамост теемс содавиксэкс Венгриянь кинонть. Сынст программась карми аштеме 10-12 лентасто, конат сехте пек вечкевсть Венгриянь Кинонь недлястонть. Истямо недлясь ютавтневи эрьва иень даволковсто. Васенце истямо фестивалесь ютавтовсь Шепшисентдьердь румынской ошсонть (октябрянь 12-16 читнестэ). Фильматнень ванкшось жюрись, козо совасть Румыниянь содавикс критиктне. Тамаш Шашонь ?Плохие ребята¦ фильмась ловозь сехте парокс. Венгриянь критиктнестэ жюрись ванкшнынзе румынской фильматнень, сындест сехте вадрякс ловозель Лучана Пинтилень ?Вокзал ?Рай¦ лентась.
ЭСТОНИЯ. Эстониянь правительствась пурны- тюрьматнень миеме. Те арсемась топавтови косо-бути 2001 иенть ушодовомсто. Эште кавтошка ковонь ютазь од азортнэ витнесызь-петнесызь тюрьматнень ды вастсызь васенце ?сыцятнень¦. Эстониянь юстициянь министрась Раска корты: ?Мезе истямось тюрьмась, бути аволь гостиница башка условия марто?¦ BNS пачти, што педе-пес эзть толковаво тюрьматнень ды государстванть ютксо финансовой тевтне. Эстонской оппозициянь представительтне кевкстнить: кармить арась тюрьмань азортнэ пандомо полициянтень оргодицятнень кундамост кис?
МАРИЙ ЭЛ. ?Марий Эл¦ фирменной поездсэнть, кона ардтни Йошкар-Ола v Москов маршрутканть, теевсь од кой. Вагонтнэсэ радиова гайгить содавикс марийской композитортнэнь морост. Истя жо арсеви евтнемс эрьва кодат кулят республиканть эрямодо ды историядо. Музыкась ды моротне гайгить, кулятне евтневить омбоце пель часонь перть. Те ушодксонть теизь ?Йошкар-Ола¦ чугункань кинь станциянь важодицятне. Икелепелев сынь арсить евтнемс республикань содавикс ломантнеде.
х х х
Нолдазь юбилейной статистической сборник, косо евтневи меельце 60 иетнестэ республиканть социально-экономической эрямодонзо. Сборникенть анокстызе Марий Эл Республикань статистикань Государственной комитетэсь даннойтнень коряс, конань пурнызь предприятиятнень, организациятнень, эрицятнень пельде, истя жо переписень ютавтоманть вельде. Сехте покш материалось кельгстязь кемзисемге разделтнэсэ, конат лемдязь: республикань эрицятне, трудонь рынкась, эрямонь лувось, финанстнэ, питнетне ды седе тов.
КОМИ. Коми Республикасо умок уш арсесть электронной переводчиктенть, кона коминь кельстэ ютавты рузокс. Тень кувалма пшкалесть Сыктывкарской университетэв, лиснесь жо ансяк валкс, мезесь эзь невте келенть мазычинзэ. Тешкстасынек, коми кельсэ 16 падежт. Неть читнестэ национальностень тевтнень коряс министерствав сась программист ?ульцясто¦ ды невтизе ?Кыв-вор¦ (?Кортамо¦) программанть, мезесь пек лади электронной переводчикенть анокстамонзо туртов. Ней министерствась кемексты договор Коми Республикань келень, литературань ды историянь институтонть марто ды бюджетстэ яви 100 тыщат целковойть.
х х х
Комисэ ней сермадыть покш книгат. Те алкукс истя. Московонь вейке универмагсонть микшневи Сыктывкарсто аванть, Россиянь Писателень союзонь членэнть книгазо. Те книгась сехте вишкине ловныцятнень туртов, лемдязь ?Читайка¦. Книгась ломанень сэрьсэ. Истя покшсто книгась нолдазь аволь прянь шнамга. Те научной цела лув. Эйкакшонть свал тонавтыть ловномо ?буквасто саезь валтнэс¦. ?Читайка¦ книгань сермадыцясь жо тонавты: васня эйкакшось неи евтнеманть картинкасто, косто яви предложениянть, мейле v валонть, мейле v слогонть, ды ансяк теде мейле v букванть. Зярс те книганть лезэвчизэнзэ питне путыть ансяк Московонь тонавтыцятне, Комисэ жо сон мекс-бути а микшневи.
ХАНТЫ-МАНСИЙСК. Ноябрянь 11 чись Ханты-Мансийнск ошсо ютавтовиця ?Округ на рубеже веков¦ фестивальсэнть алтазель Нижневартовской райононтень. Ульнесь мезе невтемс окружной центрань эрицятненень ды инжетненень. Те пек паро представлениясь v райононь чинть панжомась, выставкась v эрицятненень сехте эрявикс товаронь микшнемась, каванявкс марто пештязь стольтне. Пек кенярдовтыця ды а стувтовикс праздникекс теевсть национальной спортонь коряс выступлениятне. Эйкакштнэнень невтевсь налксемань программа. 80 месторождениятнесэ, конат аштить райононь территориясо, роботыть истят покш нефтяной компаниятне, кода ?Славнефть¦, ?Лукойл v Западная Сибирь¦, ?Башнефть¦, ?ТНК v Нижневартовск¦, ?Сиданко, ?ЮКОС¦. Месторождениятнень панжома читнестэ саезь, райононь промыслатнесэ добовазь кавто миллиардто ламо тоннат нефта. Тосо весемезэ панжозь 129 нефтань ды газонь месторожденият. Сехте од технологиятнень коряс роботы Нижневартовской электростанциясь, кона иезэнзэ максы 5 миллиардто ламо киловатт-част электроэнергия. Виевгады тосонь промышленностесь. Роботыть Новоаганской ликеро-водочной, Ваховской кирпичной заводтнэ. Ваховск ошсо кепедеви эсест кирьпецьстэ васенце кудось. Келейгады сервисэнь службась. Районсонть калонь кундыцятне иезэнзэ кундыть 200-300 тоннат калт. Райононь чись прядовсь покш концертсэ ?Слава теть, Югория!¦.
х х х
Ханты-Мансийск ошсо ютась литераторонь окружной семинар. Сонзэ анокстызь Россиянь Писателень союзонь окружной организациясь ды СМИ-нь ды полиграфиянь коряс комитетэсь. Семинарсонть тевтне ветявсть секциява. Истя, прозань секциянть прявтсо писательтне Е.Айпин, Н.Коняев, В.Мурзаков. Толковавсть Югорскойстэ, Радужнойстэ, Нижневартовской районтнэстэ од литератортнэнь творчестваст. Поэзиянь секциянть прявтсо округонь содавикс поэтнэ П.Суханов ды Н.Денисов. Ванкшновсть Советскойстэ, Белоярскойстэ, Сургутсто, Нижневартовскойстэ, Ханты-Мансийскойстэ, Мегионсто сермадыцятнень стихест. Семинаронь участниктне ульнесть округонь учебной заведениятнесэ, косо юта7втовсть литературной вастовомат. Югрань литераторонь оружной семинарсонть истя жо ютавтозь писателень отчетно-выборной конференция.
х х х
Пелеве енксонь народтнэнь соехте паро ломантнень ней кармить казнеме ?Мирсуснэхум¦ ды ?Калтась-щань¦ ордентнэсэ. Васенце орденсэнть кармить казевеме цера ломантне народной хозяйствань раськень культуранть кезэрень отраслятнень ванстомасо ине изнявкстнэнь кис. Омбоцесэнть v тейтерь-аватне. Сыненст казнесь истя жо максови ?ине изнявкстнэнь кис¦, мезенть добовасызь ?кудонть, семиянть ванстомасо ды эйкакшонь трямосо-кастомасо¦. Ордентнэнь кемекстамодо решениянть кемекстызе ?Спасение Югры¦ общественной организациясь.
КАРЕЛИЯ РЕСПУБЛИКА. Костомукшасо прядовсь ?Карелия¦ еврорегиононь исполнительной комитетэнь заседаниясь. Тосо примазь зярыя вейсэнь российско-финляндской программат, конат кармить топавтовомо сы иестэ. Вейсэнь тевтнень туртов кемекстазельть 15 проектт. Сынст ютксо границянь ?Суоперя v Кортесалми¦ ютамо тарканть витнемась, Мортавалсо ванськавтомань сооружениянь строямось, Костомукшской промышленно-индустриальной комплексэсь, Карелиянь Национальной театрантень лездамось ды Калеваласо ды Лахденпохьясо эсь уштомапель лангсо роботыця котельноень строямось.
Бугуруслансо панжовсь кезэрень оршамопелень выставка.
Тосо краеведческой музеев, косо ютавтови выставкась, ошонь эрицятне ковонь перть кандтнесть сень, мезе мукшность бабаст горобиятнестэ v эрзянь ды мокшонь панарт, татаронь оршамопельть, рузонь сарафант. Музеень сотрудниктне эзть учне эрицятнень ендо лездамосонть истямо покш бажамо. Секскак выставканть арсеви невтнемс Оренбургонь эрицятненень, бути жо улить тердемат лия оштнестэ, сестэ краеведческой музеесь моли шабрань регионтнэс.
Саинзе Интернетстэ
Валдоня ГАУШЕВА.
