Зяро пандо прясо ашти Московось?
Аволь сеедьстэ Московонь СМИ-тнэ ?кольневтить¦ ловныцятнень виде валсо, зярдо кортамось туи прявтошонок лемдензэ. Секе тев сюлмить сонзэ рузонь келенть марто, буто тесэ рузтнэде икеле кияк эзь эря. Та-кода ?Комсомольская правда в Москве¦ газетась кенярдстымизь Московонть историядонзо виде валсо.Эри прявтошсонок историкесь Иван Белкин, конадонгть евтнияк ?Комсомолкась¦. Ученоесь евтни, келя, Московонь гербентень малав 2000 иеть ды чачсь сон сестэ, зярдо тесэ эрясть финно-угрань раськеть. Богатыресь тюри аволь Русенть вардонзо каршо, гербесь невти, кода тундось эрьва иестэ полавтсы теленть, секс тосо кияк киньгак а чави. Ошонть лемезэяк, И.Белкинэнь коряс, теевсь финнэнь раськень ?Мокань¦ валстонть, конань смустезэ v ушоткс-пе. Ды, келя, Московось ашти аволь сисем, а весемезэ кавто пандо прясо.
Седикеле неень ошонть кой-кона таркатнесэ ульнесть язычникень озкст (капщат). Бульчом, сеть таркатне течис лововить ?нечистойкс¦, лангсост лиснесть ламо зыянов тевть. Самай истят таркатнестэ вейкесэнть ашти одс вачказь Христосонь Идицянь храмось-
Евтыксэлия мелем Московонть лемдензэ, конадонть сермалия ?Эрзянь правдантень¦ эште 70-це иетнестэ ?Советское финноугроведение¦ журналонть материалонзо лангс нежедезь. Ошонть лемезэ мещерань эли мерянь ?мушк¦ v мушко ды ?ва¦ -ведь, лей валтнэстэ. Ютазь пингень вейке картасонть Москва леесь ошонтень пачкодемадо седе вере сермадозель кода Коноплянка, мезесь седеяк кемевти вере лецтязенть.
А.ЛЕЖИКОВ.
